Өскемен мен ШҚО Спорт Сарайы маңында жерасты өткелін салу кейінге шегерілмек
Қалпына келтіру жұмыстарын шілде айынан бастауды жоспарлаған болатын, алайда мердігерлерді анықтау әлі аяқталмаған
Daniel супермаркеті мен Спорт сарайы маңында жерасты өткелін салу шілде айынан басталу керек еді, дегенмен мердігерлерді анықтау, тендер өткізу жұмыстары созылып кеткендіктен, кең көлемді жөндеу жұмыстарын жүргізу туралы нақты шешім тамыз айының ортасынан белгілі болмақ.
- Жобаны қаржы биыл бөлініп қойған. Құрылыс жұмыстары өте үлкен болғандықтан, тек келесі жылы ғана өткелді салып бітіре аламыз, - дейді қалалық ТҮКШ, жолаушылар тасымалы және автомобиль жолдары бөлімінің басшысы Асқар Жақсылықов.
Жерасты өткелі Абай және Тәуелсіздік даңғылы арасында салынбақ.
Семейде де жерасты өткелін салу жұмыстары 2014 жылы басталғанымен, әлі аяқталған жоқ. Жобаны аяқтау үшін биыл бюджеттен тағы да қосымша қаржы бөлінген екен.
