Риддерлік әйел жоғалып кетті
Риддер қаласының 58 жасар тұрғыны Зинаида Асылбекованың жоғалып кеткеніне бір аптадан асты. Хабарсыз кеткен әйелдің туыстары алаңдауда
Зинаида Асылбекова 3 тамыз күні үйінен шығып, белгісіз бағытта кетіп қалған.
- 31 шілде күні анам 58 жасқа толып, зейнеткерлікке шықты, - дейді жоғалған әйелдің қызы Елена Плотникова. - Үйден кететіндей себеп болған жоқ. Құжаттары, ақшасы мен ұялы телефоны үйде қалды. Анамның бірнеше күнге кеткен жағдайлары болатын, бірақ осылай ұзаққа созылмап еді. Өз күшімізбен табамыз ба деп едік, еш нәтиже болмады. Куәгерлер оны Риддер қаласының Полярный өңірінен көріпті. Ол төңіректі қарап шықсақ та, таба алмадық. Бүгін полицияға арыз жазамыз.
58 жасар әйелдің қандай киіммен жүргенін ешкім айта алмады. Ерекше белгілері: бетінде үлкен меңі бар. Қандай да бір дерегі барларды келесі нөмірлерге хабарлауды сұрайды: 8-705-914-07-34 ( Елена -қызы) немесе 102.