Өскемен мен ШҚО 
Өскеменде ең күрделі жолдардың бірі жөнделеді
Жол қызметтері Понтон көпірінен Ахмер ауылының семейлік жолға шығатын бөлігіне дейінгі жолды ауқымды қайта құру жұмыстарына кірісіп те кеткен
Бірнеше жыл қатарынан жөндеу жұмыстары жүргізілмеген аталған жолдың жағдайының мәселесі автосүйер қауым тарапынан талай рет көтерілген болатын.
- Бүгінгі күні көшенің ауқымды қайта құру жұмыстарын жасайтын мердігер ұйым анықталды, - деп Өскемен қаласы әкімінің баспасөз қызметі хабарлады. - Жер қазу жұмыстары басталды. Жол төсемі толығымен қайта жаңартылып, жолдың жүру бөліктері кеңейтіліп, сондай-ақ, кәріздер орнатылады.
Тас жолды жаңа технология бойынша жабады.
