Өскемен мен ШҚО Күдіктіні қинаған тәртіп сақшыларының жазасы өзгеріссіз қалды
Үш тәртіп сақшысының апелляциялық шағымын қарап шыққан облыстық сот өтінішті қанағаттандырмады
Енді Риддер АІІБ полиция қызметкерлері жасаған әрекеттері үшін жаза тартып, бас бостандықтарынан айырылатын болады.
- Облыстық сот күдіктіні азаптаған екі тәртіп сақшысын үш жыл алты айға, ал үшіншісін үш жылға бас бостандығынан айырды, - деп мәлімдеді ШҚО рпрокуратурасы. - сонымен қатар, оларға үш жылға мемлекеттік қызметке жұмысқа кіруге тыйым салынды.
Естеріңізге сала кетейік, Риддер АІІБ жедел уәкілдері қызметтік кабинетте тұтқындағы азаматты қинаған. Тәртіп сақшылары осылайша оған зардап шегушіні ұрып-соққандығын мойындатпақ болған. Ал ол өз кезегінде тәртіп сақшыларының үстінен шағымданып, прокуратура тергеу жұмыстарын бастаған болатын. Тәртіп сақшыларын әріптестері де қолдап, апелляциялық шағым түсірген. Алайда ШҚО соты бастапқы шешімді өзгеріссіз қалдырды.