Өскемен мен ШҚО 
Семей мен Өскеменде жарымжан жандарға бейімделген автобустар пайда болады
Аталған екі қаланың автопарктерін жаңарту жобасы аясында 200 автобус сатып алынбақ, олар жарымжан жандарға бейімделген болады
Шығыс өңірінде қалалық қоғамдық көліктер жаңартылмақ. Ол үшін 9,6 млрд теңге жұмсалады. Қаражатты Еуропалық қайта құру және даму банкі бөледі.
Қазіргі уақытта автопарк көліктерінің техникалық негіздемелері жасалып жатыр. Өскемен қаласына 115 қоғамдық көлік табыс етілсе, Семей қаласына 85 қоғамдық көлік берілмек.
- Биыл Өскемен мен Семей қаласы әкімдіктері қоғамдық көліктерді жаңарту мақсатында Еуропалық қайта құру және даму банкімен үшжақты алдын-ала келісімге қол қойды. Келісім құны 9,6 млрд теңгені құрайды, - дейді Жолаушылар көлігі және автомобиль жолдары басқармасының басшысы Мұрат Мұсатаев.