Өскемен мен ШҚО Семейде алма ағаштары отырғызылды
Алма ағашының өнімдері ендігі жылы сатыла бастамақ
Семейде 2 гектар жерге 500 түп алма ағашы отырғызылды. Бұл аумаққа 40 жыл бойы ешқандай ағаш егілмеген.
- Жердің құнарлылығы жыл сайын төмендеп барады, қараған мен арамшөптер қаптап кеткен. Оның үстіне қаланың қоқыстары да осы жерге төгіледі, - дейді «Нұр» қожалығының басшысы Қайырхан Шәкәрімов. - Біз аумақты қоқыстан тазартып, өндеп, 500 түп алма ағашын отырғыздық. Ендігі жылы жеміс береді.
Шаруа қожалығының басшысы алманың 5 түрін еккен. Алманың 5 түрі де ендігі жылы базарлар мен супермаркеттерде сатылады. Сонымен қатар, шаруа тағы да 1000 түп алма ағашын отырғызуды жоспарлап отыр.