Өскемен мен ШҚО 
Өскемен әуежайын қалпына келтіру жұмыстары аяқталуда
Қыркүйек айынан бастап Өскемен қаласының әуежайында автоматты жүк тасымалдаушы жолақ іске қосылмақ
Шығыс Қазақстан облысында әуе қатынасы инфрақұрылымдарын дамытуға арналған үш жоба іске асып жатыр.
Семей қаласындағы әуежайдың ұшып-қону жолағы мен аэровокзал қалпына келтіріліп жатса, Өскемен қаласындағы әуежайында сағатына 200 жолаушыны қабылдайтын терминалын салу мен аэровокзал кешінін қайта жөндеу жұмыстары жүргізілуде.
Өскемендегі әуежай құрылысы жұмыстарын мердігер компаниялар жаздың соңына дейін бітіреміз деп отыр.
- Семей де, Өскеменде де жүргізіліп жатқан жұмыстарға көңілім толады, - дейді облыс әкімі Даниал Ахметов. - Бір жарым айдан кейін облыс орталығы әуежайында жүкті автоматты таситын жолақ іске қосылады. Жолаушылар ендігі кезекте жүктерін қолмен тасымайтын болады.
