Семейде 25 жасар жігіт белгісіз себептермен жоғалып кетті

Семейдің жас жігіті 10 шілде күні түнде жоғалып кеткен. Кейін белгілі болғандай Ерлан 6-желідегі Восточный кентіндегі үйінен түнгі сағат бірлер шамасында шығып кеткен. Үйден тысқары шыққанның өзінде далаға үй киімімен шыққан. Ұялы телефонын да, ақшасын да алмаған.

Туыстары бірден полицияға хабарласқан.

- Ерланның туыстары соңғы күндері оның көңілсіз жүргендігін айтқан болатын, жұмыссыз қалған еді. Ұялы телефоны бұғатталып қалған, ата-анасы аша алмай отыр. Соңғы уақыттары кімге хабарласқанын біле алмадық. Әлеуметтік желіге де кірген жоқ, - дейді RINA.KZ Семей
еріктілер қозғалысының басшысы Евгения Павел.

Ерекше белгісі: сол жақ қасының үстінде тыртығы бар. Ерлан Қуанышпаев жайында қандай да бір мағлұмат білетіндер, көрген-білгендер болса, 8-747-349-57-17, 8-707-653-15-17 немесе 102 нөміріне хабарласуларыңызды өтінеміз.