ШҚО-дағы барлық ауруханалар жылдың соңына дейін компьютермен жабдықталмақ

Қазіргі уақытта ауруханалардың небәрі 27%-ы ғана компьютермен жабдықталған. Ал техникалар сатып алынған соң, ауруханалардың жартысына жуығы интернет желісіне қосылатын болады.

- Қазіргі таңда интернет желісіне ауруханалардың 27%-ы ғана қосылған. Ал бұл ауруханалар облыс тұрғындарының 77%-ына қызмет етеді. Ендігі жылы біз 140 медициналық мекемеге компьютер орнатамыз, бұл облыс халқының 93,3%-на қызмет етеді. Ендігі кезекте 336 медпунктті компьютерлік техникалармен жабдықтау мәселесі шешілмей отыр. Ал бұл аймақтағы медициналық ұйымдардың жартысын құрайды. Оларды интернетке қосу экономикалық жағынан тиімсіз. Өйткені облыс халқының небәрі 6%-на ғана қызмет жасайтын бұл мекемелерге интернет желісіне күтім жасаудың өзіне 3 млрд теңге кетеді, - дейді Даниал Ахметов.

Ал Қазақстанның премьер-министр Б.Сағынтаев болса, аймақтағы ауруханаларды толықтай интернет желісімен қамтамасыз етуді қолдайтындығын айтып отыр.