Өскемендіктер Астана күнін атап өтпек

Мереке 30 маусым күні сағат 19.00-де Республика Алаңында өтетін аспан асты open air би кеші концертінен басталмақ. Ал ертеңінде кешкі сағат 19.00-де Ағайынды Абддулиндер атындағы өнер училищесінің шығармашылық кеші болады. Ал 2 шілде күні 19.00-де zumba fitness жаттықтырушысының қатысуымен Амфитеатр алдында жаппай би кеші өтпек. Ал 3 шілде күні 10.00-де Облыстық сәулет және этнографиялық музейде «Астана – болашақтың қаласы» атты бейнефильмге экскурсия жасалады. 4 шілде күні «Экстази» шоу-балетінің қатысуымен Energy of the future атты көңілді кеш өтпек. Сонымен қатар 5 шілде күні сағат 11.00-де Меновное кентінде, 15.00-де Шығыс ауылында концерттік бағдарламалар ұйымдастырылады. 6 шілде күні 11.00-13.00 аралығында «Жастар» саябағында көрме өтпек. Ал 15.00-де жағалау сахнасында балаларға арналған театрландырылған мерекелік бағдарлама өтеді. Бұл күні 19.00-де Республика алаңында тағы да үлкен концерт өтпек. Бұл концертте X-Faсtor қатысқан Евгений Выблов, "Ты супер!" халықаралық телевизия жобасына қатысқан Влад Лоскутов, республикалық байқаулардың лауреаты Эльдар Уадинов өнер көрсетеді.