Өскемен мен ШҚО ШҚО полицейлеріне биыл қосымша 240 көлік беріледі
Сонымен қатар тәртіп сақшыларына жолдағы тәртіп пен қауіпсіздікті қамтамасыз ету үшін қосымша арнайы техникалар беріледі
Одан бөлек, Семей мен Өскемен қалаларында 60 бейнебақылау жүйелері орнатылады. Камера жол ережесін бұзған көліктерді суретке түсіріп Орталық жедел іздестіру мекемесіне жолдайды.
Аймақ басшысы Даниал Ахметовтың сөзіне қарағанда, биыл облыстың Ішкі істер департаментіне көп көңіл бөлініп отыр.
- ШҚО ІІД-на Өскемен қаласында жинақталған, сапасы жоғары кореялық маркадағы көліктерді сыйлап отырмыз. Ал ауылдағы полиция қызметкерлері үшін «Нива» көлігі берілді, - дейді Даниал Ахметов.
Айта кетейік, келесі жылы аймақ басшысы тәртіп сақтау қызметкерлерін тұрғын үймен қамтамасыз ету мәселесін шешпек.