Өскемен мен ШҚО Өскемендік «желаяқ» Ғалымжан Тоқтар Астанаға жетті
Астана қаласында өтіп жатқан «EXPO-2017» көрмесінің құрметіне Өскеменнен жаяу жүгіріп баруды ұйғарған Ғалымжан Тоқтар Елордаға жетті
16 күннің ішінде мыңдаған шақырымды басып өткен Ғалымжан ЭКСПО-қалашықты тамашалауда.
Халықаралық көрменің құрметіне Астанаға жаяу жүгіріп барамын деген әуесқой спортшы 26 мамыр күні Өскемен қаласынан шыққан. Күніне 60-70 шақырым жолды жүріп отырып, жоспарлағандай 16-шы күні Астана қаласына жетті.
- Елордаға межелеген уақытта келіп, көздеген мақсатыма жеткеніме қуаныштымын. Бастапқыда аздаған қиындықтар болды, бірақ кейін ағзам үйреніп кетті. Жолда кейбір ауыл тұрғындары қонақжайлылықтарын білдірді, - деді Ғалымжан Тоқтар.
Осыған дейін гір спортымен шұғылданған Ғалымжанның бұл алғашқы жетістігі. Қазірде «өскемендік желаяқ» «EXPO-2017» көрмесін тамашалап, қалашықта серуендеуде.
Следующая →