Өскемен мен ШҚО 
Шығыста мәдени мұра нысандары Қызыл кітапқа енгізіліп, мұражай ашылады
Бұл өңірдегі ерекше тарихи және мәдени құнды орындарды туристік маршруттарға қосуға мүмкіндік береді
Қоғамдық сананы жаңарту аймақтық бағдарламасы аясында ШҚО-да тарихи-мәдени, өлкетану, туристік, ақпараттық бағыттағы 37 бағдарлама таңдалып, енді билік «Үлкен Алтай» мұражайын ашып, мәдени мұра нысандырының Қызыл кітабы мен атласын шығаруды жоспарлап отыр.
- Ой жаман емес. Қызыл кітапта өңірдегі мәдени мұра нысандары туралы толық ғылыми ақпараттар жиналатын болады. Бұл ерекше орындарды туристік маршруттарға енгізіп қана қоймай, ашық аспан астындағы теңдесіз мұражай жасауға да мүмкіндік береді, - деп атап өтті облыс басшысы Даниал Ахметов.
Арнайы құрылған топ мүшелері осындай орындардың картасын жасауды бастап кетті. Оған Абай ауданындағы Қоңыр әулие, Шілікті алқабы, Берел қорғаны, Ақтау, Ырғызбай Досқанұлының кесенесі енді. Карта әлі де толықтырылатын болады.
