Шығыстың жас әншілері Диснейлендке жолдама ұтып алуы мүмкін

13 мамыр мен 22 маусым аралығында облыс орталықтарында, Алматы мен Астана қалаларында музыка продюсерлері, композиторлар мен танымал әншілер 7 және 13 жас арасындағы балаларға кастинг жүргізеді. Байқауға қатысатын үздік 16 жас әнші «Бала дауысы» Музыка мектебінде және «Бөбек» Ұлттық орталығында оқытудан өтеді. Мұнда балалар сольфеджио, хореография және актерлік шеберлік сабақтарынан дәріс алады. Ал 27, 28 және 29 қазан айларында «Алматы» Мұз айдыны аренасында Супер-финал өтеді. «Бала дауысы-2017» байқауын қазылар алқасы мен көрермендер шешеді. Финалға жеткендерге сыйлықтар беріледі. Ал жеңімпазға музыкалық оқу орталығына білім беру гранты беріледі әрі Диснейлендке жолдама билеті де табыс етіледі.