Семейдегі дарынды балалар шеруіне 300 оқушы қатысты

 Ғылым, өнер, техника, спорт және шығармашылық сайыстарда үздік атанған Семей қаласының 287 жас дарыны білім бөлімінен төсбелгілер алды.

-         Біз жұлдыздарымызды мақтан тұтамыз және олардың ала асулары әлі де алда екендігіне сеніммен қараймыз, - дейді Семей қаласындағы білім бөлімінің жетекшісі Наталья Фесенко. – Биылғы оқу жылының өзінде халықаралық байқаулар жеңіпмаздары -28, 46 бала республикалық жарыстарда үздік атанса, 122 оқушы қалалық және облыстық байқау жүлдегерлері, 27 бастауыш сынып оқушылары да үздік нәтиже көрсетіп отыр.

Одан өзге оқушылардың белсенді ата-аналарын да марапаттады. Білім бөлімінің мамандарының сөзіне сүйенсек, Семей қаласындағы мектептерде ата-аналар активі жақсы жұмыс жасайды. Олар тіпті түрлі шараларды өздері ұйымдастыратын көрінеді.