Өскемен мен ШҚО Өскемендегі «жедел жәрдем» автопаркі үш жыл бойы жаңартылмаған
Қазіргі таңда жедел медициналық жәрдем станциясында барлығы 13 реаномобиль бар. Олардың алтауы пайдалануға келмейді
ШҚО Қоғамдық кеңесінің денсаулық сақтау бойынша жұмысшы тобы биыл облыстағы медициналық мекемелерден көптеген кемшіліктерді тапқан. Басшылардың айтуынша бұның барлығына қаржының жеткіліксіздігі себеп.
- Жыл басынан бері біз 15-тен астам медициналық мекемелерді аралап шықтық, - дейді Қоғамдық кеңестің төрағасы Татьяна Чернышева. – Өскемендегі жедел медициналық көмек станциясында реанимобильдер жетпейтіндігіне көз жеткіздік. Осы сұрақты көтердік және бұған жіті назар аударылады деген жауап алдық.
Анықталғандай, өткен жылдарда аудандар жедел медицина көліктерімен қамтамасыз етілген екен. Қалада ауыра қалған адамды медициналық мекемеге жеткізу мүмкін болса, аудандарда ондаған шақырымды жүру керек.
Татьяна Чернышева айтқандай, келесі жылы реанимобильдермен Өскемен қаласы қамтылатын болады.
Следующая →
