ШҚО-ның құтқарушы арулары үздіктер қатарында
Қарағанды қаласында ерлер мен әйелдер арасында қоян-қолтық ұрыстың "Жекпе-жек" және "Өзін-өзі қорғау" түрлері бойынша Қазақстан Республикасының чемпионаты өтті

Бәсекеде әр өңірден келген 300-ден астам үміткер бақ сынады, деп хабарлайды Устинка LIVE тілшісі.
Әр салмақ дәрежесінде спортшылар бірінен соң бірі рингке шығып, тартысты әрі әсерлі жекпе-жектер көрсетті. Әрқайсысы жеңіске жетуге ұмтылды.
ШҚО ТЖД спортшы қыздары команданы лайықты таныстырып, жоғары нәтиже көрсетті. Жеке есепте 58 кг салмақ дәрежесінде Айшагүл Елеубаева 2-орын, ал Айгерім Рахатова 3-орын иеленді.