Өскемен мен ШҚО ШҚО-да былтыр үш қаржы пирамидасының қызметі тоқтатылды
Экономикалық тергеу департаменті қаржы пирамидаларына қатысты 481, онлайн-казино және басқа да құмар ойындарға қатысты 591 және криптоайырбастау пунктеріне қатысты 121 сілтемені бұғаттаған
Өңірдегі көлеңкелі экономика саласындағы қылмыстарды анықтау жұмыстары жайында ШҚО Экономикалық тергеу департаментінің басшысының орынбасары Тимур Мұқанов айтты, деп хабарлайды Устинка LIVE тілшісі.
Басты құралдардың бірі сандық қауіпсіздік болды. Telegram мессенджерінде "Baiqa, piramida" сервисі енгізілген, ол пайдаланушыларға компанияларды қаржы пирамидаларының белгілері бойынша тексеруге мүмкіндік береді — сайт немесе әлеуметтік желідегі парақшаның сілтемесін енгізу жеткілікті, - дейді Тимур Мұқанов.
Жалпы, 2021 жылдан бастап Қазақстанда 100-ден астам қаржы пирамидалары анықталып, тоқтатылды. Соның ішінде Eolus Kazakhstan, Sinsera Systems және Best Road Investment схемалары бар.