Өскемен мен ШҚО Өскеменде баласынасы алимент төлемеген әкенің қымбат көлігі тәркіленді
42 жастағы өскемендіктің баласына берешегі 2,5 миллион теңгеге жеткен
Ол сот шешіміне қарамастан ұзақ уақыт бойы өз міндеттемелерін орындамай келген, деп хабарлайды Устинка LIVE тілшісі.
Тексеру барысында борышкерге тиесілі Toyota Land Cruiser Prado маркалы көлігі анықталды. Бұрын салынған шектеулерге сәйкес, автокөлік ұсталып, мамандандырылған тұраққа қойылды. Көлік құралы алимент бойынша берешек толық өтелгенге дейін сол жерде болады, - деп мәлімдеді ШҚО ПД баспасөз қызметі.
Заң сақшылары мұндай шаралар, ең алдымен, балалардың құқықтары мен заңды мүдделерін қорғауға, сондай-ақ сот шешімдерінің орындалу бұлжымастығын қамтамасыз етуге бағытталғанын атап өтті.
Жыл басынан бері өңір аумағында сот актілерін орындаудан жалтарған 45 борышкер анықталса, оның ішінде 28 — алимент бойынша берешегі барлар. Олардың әрқайсысына қатысты қолданыстағы заңнама аясында тиісті шаралар қабылдануда.