Өскемен мен ШҚО ШҚО-да фристайл-могулдан ел чемпионаты басталды
Фристайл-могулдан Қазақстан Республикасының чемпионаты "Нұртау" тау-шаңғы курортының беткейлерінде өтіп жатыр
Жарыс жолында могулдан 38 мықты шебер бақ сынасады, деп хабарлайды Устинка LIVE тілшісі.
Салтанатты ашылу рәсіміне ШҚО Дене шынықтыру және спорт басқармасының жоғары жетістіктер спорты және спорттық резерв бөлімінің басшысы Аида Жұханова, Олимпиада чемпионы, ҚР еңбек сіңірген спорт шебері Ольга Рыпакова қатысты.
2026 жылғы XXV Қысқы Олимпиада ойындарында еліміздің намысын қорғаған Шығыс Қазақстан облысының үздік фристайлшыларының қатысуы чемпионаттың мәртебесін айқындай түсті. Жалпы, медалдар үшін могулдан 38 мықты шебер бақ сынасуда. Жарыс халықаралық стандарттарға толық сәйкес келетін, ұзындығы 200 метрлік кәсіби трассада өтуде.