ШҚО-да мәңгілік классика "Тақиялы періштенің" премьерасы өтті

Қойылым классикалық туындының жаңаша интерпретациясын ұсынып, патша көңіл көрерменнің жоғары бағасын алды, деп хабарлайды Устинка LIVE тілшісі.

Е. Темірбеков пен А. Гладилина шығармасы негізінде сахналанған спектакль - уақыт сынынан өткен, ұлттық бояуы қанық, адамгершілік құндылықтарды арқау еткен туынды. Онда махаббат, отбасы, дәстүр сабақтастығы мен адам жанының тереңдігі нәзік юмормен және шынайы сезіммен шебер жеткізілген.

Жаңа сахналық нұсқа классикалық туындының рухын сақтай отырып, заманауи көркемдік шешімдермен толыққан. Спектакльге театрдың солистері, хоры, оркестрі және балеті қатысып, музыка, вокал, би мен актерлік шеберлікті үйлестіре білді. 

Мұндай туындылар ұлттық құндылықтарды дәріптеп, рухани сабақтастықты нығайтуда маңызды рөл атқарады.

Алғашқылардың бірі болып қойылымды халықпен бірге облыс әкімі Нұрымбет Сақтағанов та тамашалады.