Өскемен мен ШҚО Балаларға қызмет көрсететін ұйымдарға бақылау күшейтілді
Яғни, балабақша, мектеп, интернат, медицина және тамақтану нысандарын санитариялық-эпидемиологиялық бақылаудың жаңа тәртібі енгізілді
Бұл балалардың қауіпсіздігін арттыруға және тамақтану, тұру, медициналық көмек пен білім беру сапасын бақылауды күшейтуге бағытталған, деп хабарлайды Устинка LIVE тілшісі.
2026 жылғы 1 ақпаннан бастап "Халық денсаулығы және денсаулық сақтау жүйесі туралы" кодекске "ерекше бақылау және қадағалау" ұғымы енгізілді. Бақылау жоспарлы және жоспардан тыс тексерулер, тергеп-тексеру және мониторинг арқылы жүргізіледі. Тексерулер алдын ала ескертусіз өтеді, - дейді ШҚО санитариялық-эпидемиологиялық бақылау департаменті басшысының орынбасары Сәуле Слямғазина. - Ұйымдар тәуекел деңгейіне қарай бөлінеді: жоғары тәуекел тобына балабақшалар, мектептер, интернаттар, медицина және тамақтану нысандары кіреді, олар жиі тексеріледі. Төмен тәуекелдегі ұйымдарға бақылау сирек жүргізіледі. Жоспарлы тексерулер арнайы тізім негізінде 15 жұмыс күніне дейін жүргізіліп, қажет болса ұзартылады. Жоспардан тыс тексерулер шағымдар, анықталған бұзушылықтар немесе қауіп туындаған жағдайда тағайындалады және 10 жұмыс күні ішінде өтеді.
Жаңа өзгерістерге сәйкес шағын бизнеске қатысты бұрынғы мораторий алынып тасталды. Сонымен қатар, мониторинг кезінде зертханалық зерттеулер мен тексерулер жүргізіледі, ал бас санитариялық дәрігерлердің өкілеттігі кеңейтілді.
Шығыс Қазақстан облысында жүздеген білім беру және денсаулық сақтау нысандары ерекше бақылауға алынған.
Жаңа жүйе балалар қауіпсіздігін күшейтіп, бұзушылықтарды жедел анықтауға бағытталған. Азаматтар тәртіп бұзушылықты анықтаса, нақты дәлелдерімен шағымдана алады және әлеуметтік желілердегі шағымдар да назарда болады.