Өскемен мен ШҚО Өскемендегі автобустарда енді жолақысын Kaspi QR-мен төлеуге болады
Бүгіннен бастап Өскемендегі қоғамдық көлікте жол ақысын банк қосымшасы арқылы төлеу тәсілі енгізілді
Енді жолаушылар автобустарда орналасқан "ONAY!" QR-стикерлерді сканерлеп немесе көлік кодын қолмен енгізіп, Halyk және Kaspi банктерінің мобильді қосымшалары арқылы жолақысын төлей алады, деп хабарлайды Устинка LIVE тілшісі.
Сондай-ақ жолаушыларға төлемді "ONAY!" көлік карталары, мобильді қосымша және ұялы телефон балансынан SMS арқылы жүргізу тәсілдері сақталатынын ескертеміз.
"ONAY!" төлем жүйесі Өскемен қаласында бір жылға жуық жұмыс істейді және осы уақыт ішінде өзінің тұрақтылығы мен күнделікті пайдаланудағы ыңғайлылығын көрсетті. Төлемнің жаңа әдісін енгізу — бұл көлік қызметтерін өңірдің жолаушыларына ыңғайлы әрі қолжетімді ету үшін жасалған кезекті қадам, - деп атап өтті Шығыс Қазақстан облысы бойынша Көлік холдингі филиалының директоры Арман Ысқақов.
Бүгінгі таңда қалада 11 тасымалдаушы 51 маршрут бойынша қызмет көрсетеді. 415 автобуста 853 көлік терминалы орнатылған және 3,5 мыңнан астам "ONAY!" QR стикер орналастырылған.