Өскеменде жарылған су құбыры әлі қалпына келтірілмеді

Төтенше жағдай кеше таңғы 10.30-да қатты аяз салдарынан орын алған, деп хабарлайды Устинка LIVE тілшісі.

Қазіргі таңда Мирный кентінің тұрғындары орталықтандырылған су жүйесінен ажыратылған: Карбышев, Беспалов, Ломоносов, Севастопольский. Магистральдық су құбырының бірнеше учаскесінде жарық пайда болған.

Соңғы мәліметтер бойынша, апат салдарынан алты көпқабатты үй, 200-ден астам жеке тұрғын үй, сондай-ақ № 26 орта мектеп суық сусыз қалды. Бригада тәулік бойы жұмыс істеп жатыр. Тұрғындарға цистернамен су жеткізілді.

Бүгін Өскеменде ауа температурасы -39 градусқа дейін төмендеді.