Өскемен мен ШҚО Өскемен тұрғыны алаяққа алданып, 3 миллион теңгесінен қағылды
Ол 2023 жылдан бері өзін алдап кеткен адамды таба алмаған
Полиция күдіктіні қолға түсіріп, қазір тергеу амалдары жүріп жатыр, деп хабарлайды Устинка LIVE тілшісі.
Өскемен қаласы ПБ Ертіс полиция бөлімінің кезекші бөліміне қала тұрғыны алаяқтық туралы арызбен жүгінген. Оның айтуынша, бір әйел оның сеніміне кіріп, ипотекалық несие рәсімдеуге көмектесуге уәде беріп, 3 миллион теңгеден астам ақшасын иемденіп кеткен.
Жәбірленушінің айтуынша 2023 жылдың желтоқсан айында ол тұрғын үй сатып алуға жәрдемдесу қызметтері туралы жарнаманы көрген. Алайда күдікті ақшаны алғаннан кейін байланысқа шығуды тоқтатқан, - деп хабарлады ШҚО ПД. - Аталған факті бойынша сотқа дейінгі тергеу амалдары жүргізілуде, күдіктіге қатысты үйқамақ түріндегі бұлтартпау шарасы таңдалды.
Полиция азаматтарға қырағы болуды ескертеді. Күмәнді хабарландыруларға сенбей, ресми шарт пен кепілдіксіз белгісіз адамдарға ақша беруге болмайды.