Өскемен мен ШҚО Өскеменде алтынды бижутерияға айырбастап кеткендер іздестірілуде
Облыс орталығындағы зергерлік бұйымдар дүкенінде ұрлық болды
Неке жүзігін алмақ болған ер мен әйел алтын жүзіктің орнына арзан әшекей тастап кеткен, деп хабарлайды Устинка LIVE тілшісі.
Алдын ала мәліметтер бойынша, шамамен 40–50 жас аралығында еуропалық сырт келбеттегі белгісіз ер адам мен әйел неке жүзігін сатып аламыз деп сатушының сеніміне кірген. Әйел адам бұйымды тағып көріп жатқанда, ер адам сауда орнынан шығып кеткен. Көп ұзамай әйел де белгісіз бағытта кетіп қалған, - деп мәлімдеді ШҚО ПД баспасөз қызметі. - Кейін дүкен қызметкерлері құны 200 000 теңгеден асатын алтын жүзіктің сырттай түпнұсқаға ұқсас бижутерияға алмастырылғанын анықтаған. Алмастыру фактісі бейнебақылау камераларындағы жазбаларды қарау барысында расталды — бейнежазбада әшекейдің ауыстырылған сәті анық көрінеді.
Аталған факті бойынша Өскемен қалалық Полиция басқармасының қызметкерлері сотқа дейінгі тергеу амалдарын бастады. Қазіргі уақытта қылмысқа қатысы бар тұлғаларды анықтау мен ұстауға бағытталған жедел іздестіру шаралары жүргізілуде.