Өскемен мен ШҚО ШҚО-ның ауыл жастары қысқы ойындар бойынша жеңімпаз атанды
Көкшетау қаласында IV республикалық қысқы ойындар өтті
Төрт жылда бір рет өткізілетін бұл додада шаңғы жарысы, конькимен жүгіру және шайбалы хоккейден жарыстар ұйымдастырылды, деп хабарлайды Устинка LIVE тілшісі.
Еліміздің 13 өңірінен келген ауыл жасөспірімдері арасынан шығысқазақстандықтар оқ бойы озық шығып, чемпион атанды.
Шығыс Қазақстан спортшылары жеке және командалық сайыстарда жүлделі орындарды иеленіп, жалпыкомандалық есепте үздік деп танылды.
Құрама команданың дайындалуына шаңғы жарысы бойынша Валерий Трифонов, конькимен жүгіруде Татьяна Берсенева, шайбалы хоккейде Игорь Гаджиев сынды тәжірибелі бапкерлер жетекшілік етті.
Айта кетейік, жалпыкомандалық есеп қыздар мен ұлдар арасында жеке-жеке жүргізілді. Нәтижесінде қыздар құрамасы бірінші орынды, ал ұлдар құрамасы екінші орынды иеленді.