Өскемен мен ШҚО ШҚО-да 19 жасар қыздан жарты келі есірткі тәркіленді
Алматы облысының тумасы Өскеменде пәтер жалдап, интернет-дүкеннің есірткі орап-қаптаушысы болып нәпақа тапқан
ШҚО ПД Есірткі қылмысына қарсы іс-қимыл басқармасының қызметкерлері тінту жүргізу кезінде ақ түсті ұнтақ тәрізді зат салынған 5 полимерлі пакет және өсімдік тектес заты бар 2 полимерлі пакет тапқан, деп хабарлайды Устинка LIVE тілшісі.
Сараптама қорытындысына сәйкес, тәркіленген психотроптық заттардың жалпы салмағы 495,32 грамды құрады, - деп хабарлады ШҚО ПД баспасөз қызметі. - Тергеу барысында ұсталған азаматшаның мессенджерлердің бірі арқылы есірткі таратушы болып жұмысқа орналасқаны, сол жерде өзіне тапсырмалар беріп отырған белгісіз куратормен хат алмасқаны белгілі болды. Аталған факті бойынша сотқа дейінгі тергеп-тексеру жүргізілуде. Ұсталған тұлға уақытша ұстау изоляторына қамалды.
ШҚО полициясы жастарды интернет арқылы жеңіл табыс табуға шақыратын күмәнді ұсыныстарға сенбеуге және мұның соңы қылмыстық жауапкершілікке соқтыратынын ескертті.