Өскемен мен ШҚО ШҚО аудандарында көлік қозғалысы шектеліп, азаматтардың құжаттары тексеріледі
ҚР ҰҚК Шекара қызметі шекаралық операциялар жүргізеді
"ҚАЛҚАН-2025" белгіленген режимдерді қамтамасыз ету бойынша шекаралық операциясы 11–18 желтоқсан аралығында жүргізіледі, деп хабарлайды Устинка LIVE тілшісі.
Бұл операция ҚР ҰҚК ШҚ ШҚО бойынша департаментінің жауапкершілік учаскесінде шекара кеңістігі шегінде заңсыз іс-әрекеттердің алдын алу мақсатында жүргізіледі.
Осыған байланысты Шемонаиха, Зайсан, Тарбағатай, Күршім, Марқакөл және Қатонқарағай аудандарының бірқатар елді мекендерінде көлік қозғалысына шектеулер енгізіледі.
Азаматтар мен бұқаралық ақпарат құралдары өкілдеріне тек ресми ақпарат көздеріне сүйенулерін, расталмаған мәліметтер таратпауларын, сондай-ақ өздерімен бірге жеке басын куәландыратын құжаттарын алып жүрулерін сұраймыз, - деп хабарлады ҚР ҰҚК ШҚ ШҚО бойынша департаменті.