Өскемен мен ШҚО Биыл Өскеменде 42 шақырым жол жөнделді
Сондай-ақ бұрын асфальт болмаған көшелерге тас жол төселді
Орташа жөндеу жұмыс үш кезеңді қамтыды: біріншісінде ұзындығы 16,5 км 18 учаске, екіншісінде ұзындығы 16,5 км 16 учаске, үшіншісінде 9 км 14 учаске жөнделді, деп хабарлайды Устинка LIVE тілшісі.
Көктемде 52 шақырым жолға қиыршық тас төгілсе, 46 100 шаршы метр аумақта шұңқыр бітелді. Күзде тағы 4 мың шаршы метрі жөнделді, - деп хабарлады Өскемен қаласы әкімінің баспасөз қызметі. – Сондай-ақ қалада асфальтбетоннан 11 шақырым және 16,5 мың шаршы метр кеспеден тротуар төселді.
Қала әкімдігі уәде еткендей, бұрын болмаған көшелерге асфальт төселді. Мәселен, Болашақ шағын ауданының орталық көшесі, 20-шы шағын аудандағы Анатолий Иванов көшесі, 21-ші шағын аудандағы орталық көшесі мен балабақшаға кіреберіс жолы асфальтталды. Сондай-ақ Комаров, Урожайная көшесінен № 6 орта мектебіне дейінгі Ульяновская көшесі, Ново-Явленка кентіндегі Қасен Оралтай, Қ. Нұрғалиев, Новая, Почтовая, Садовая және Ларионов көшелері, Ново-Троиц ауылындағы Центральная көшесінде тас жол пайда болды.