Өскемен мен ШҚО Өскемен Жаңа жылға орай безендіріле бастады
Биыл облыс орталығындағы жеті жер арнай мерекелік әшекейлермен әрленбек
Фото:
Устинка LIVE
Қала әкімдігі тұрғындар мен қонақтар жылдың басты мерекесінің атмосферасын сезінуі үшін қай көшелерді қалай безендіру керектігін ойластырып қойды, деп хабарлайды Устинка LIVE тілшісі.
Биыл Жаңа жылға орай жеті нысаны арнайы безендірілмек:
- Назарбаев даңғылы бойындағы ағаштарға гирляндалар ілінеді;
- Орталық алаңда шырша мен бірқатар инсталляциялар орналастырылып, алаң аумағы толық жарықтандырылады;
- Өскемен аллеясында 10 метрлік интерактивті шырша орнатылады;
- Арбатта фотозоналар мен жарқыраған элементтер пайда болады;
- Коммендантка аумағында 10 метрлік интерактивті шырша, сәндік гирляндалар және жарық шарлары бар 12 тірек орнатылады;
- Гагарин бульварына "2026" цифрлы шағын сәулеттік форма қойылып, жарықтандырылады;
- Әуежай аумағына "Өскемен" жазуымен шағын сәулеттік композиция орнатылады.
Барлық дайындық жұмыстары белгіленген мерзімге сай аяқталады.