Өскемен мен ШҚО ШҚО-да "Рухты теңдік" инклюзивті фестивалі өтеді
Мүмкіндігі шектеулі жандар арасында музыкалық, сурет салу, қолөнер байқауы ұйымдастырылады
Фестиваль ерекше қажеттіліктері бар адамдардың шығармашылық әлеуетін дамыту, инклюзивті бастамаларды қолдау және қоғамда толерантты көзқарасты қалыптастыруды көздейді, деп хабарлайды Устинка LIVE тілшісі.
"Рухты теңдік" инклюзивті фестивалі Халықаралық мүгедектер күніне орай 3 желтоқсан күні Шығыс Қазақстан облыстық филармониясында облыстық өтеді.
Фестивальға Өскемен қаласы мен облыстың Глубокое, Ұлан, Шемонаиха, Катонқарағай, Тарбағатай, Күршім, Үлкен Нарын аудандарынан келген шығармашылық ұжымдар мен орындаушылар қатысады.
Фестивальға қатысуға барлығы 66 өтінім қабылданды: оның 39-ы – облыс орталығының тұрғындарынан, 27-сі – аудандардан. Ең көп қатысушыны Тарбағатай ауданы (10 адам) және Шемонаиха ауданы (9 адам) ұсынды. Қалған өңірлер де өз талантты орындаушыларын және шеберлерін жіберіп, белсенділік танытты, - дейді ШҚО зағип және нашар көретін азаматтарға арналған арнайы кітапхана директоры Бекайым Ұябаева.
Фестиваль бірнеше номинацияны қамтиды:
- вокалдық және аспаптық орындау;
- авторлық шығармашылық (поэзия, ән, музыка);
- бейнелеу өнері;
- қолданбалы қолөнер.
Жалпы жүлде қоры 4,5 млн теңгені құрайды. Фестивальді дайындау мен қолдауға жергілікті билік өкілдері, кәсіподақтар, әлеуметтік бағыттағы ұйымдар, жоғары оқу орындары, өңір кәсіпорындары, сондай-ақ мәдениет және өнер саласының қайраткерлері қатысып отыр. Осындай кең қолдау биылғы фестивальдің деңгейін едәуір көтеріп, ұйымдастыру сапасын жақсартуға мүмкіндік берді.