ШҚО-да құлақтандыру жүйесі тексерілді
28 қарашада сағат 11.00-де шығысқазақстандықтардың ұялы телефондарына бір уақытта дыбыстық хабарландыру келді

ШҚО ТЖД осылайша мобильді құрылғылар, теле-радиоарналар мен сиреналық-сөйлеу құрылғылары арқылы құлақтандыру жүйесін тексерді, деп хабарлайды Устинка LIVE тілшісі.
"Қыс-2025" командалық-штабтық оқу-жаттығуы шеңберінде мобильді құрылғылар арқылы "Mass Alert" шұғыл құлақтандыру жүйесіне техникалық тексеру жүргізілді және сиреналық-сөйлеу құрылғылары қосылды, сондай-ақ теле-радиоарналар арқылы шұғыл хабар таратылды, - деп мәлімдеді ШҚО ТЖД.