Өскемен мен ШҚО Шығысқазақстандық боксшылар ел чемпионатын жүлдемен аяқтады
ШҚО-да бокстан жастар арасындағы ел чемпионаты өз мәресіне жетті
Фото:
ШҚО әкімінің баспасөз қызметі
Өскеменге еліміздің әр өңірінен 400 боксшы жиналды, деп хабарлайды Устинка LIVE тілшісі.
Бұл чемпионат - елдің ең мықты жас боксшыларын анықтайтын маңызды кезең. Дәл осы алаңда Қазақстанның болашақ жастар құрамасы жасақталады.
Жалпыкомандалық есепте 1-орынды Алматы құрамасы иеленсе, 3-орынға Алматы облысы жайғасты. Шығыс Қазақстан облысының құрамасы жақсы өнер көрсетіп, үздік үштіктен көрінді: жалпыкомандалық есепте 2-орын.
Біздің боксшылардың еншісінде 7 медаль: екі алтын, бір күміс және төрт қола.
Чемпиондар:
- Темірбаев Темірали (55 келі)
- Баяндинов Алдияр (65 келі)
Күміс жүлдегер:
- Алтай Абзал (50 келі)
Қола медаль иегерлері:
- Шафих Баянды (55 келі)
- Қарымбек Нұрасыл (75 келі)
- Жұмажан Мансұр (80 келі)
- Күмісбек Қажымұқан (85 келі).