Өскеменде кеше кешкі уақытта 6 жастағы бала адасып кеткен

Оқиға кешкі сағат 20.25 шамасында орын алды, деп хабарлайды Устинка LIVE тілшісі. 

Әскери жасаққа шамамен 5–6 жастағы баланың ата-анасынан адасып қалғаны туралы хабар түскен. Өскеменде №5518 әскери бөлімінің әскери қызметкерлері жылдам әрекет етіп, бірнеше аумақты түгел тексерді.

Бала Гагарин бульвары, 1/1 мекенжайының маңынан табылды. Денсаулығы жақсы болған бүлдіршін сол жерде заңды өкілдеріне аман-есен табысталды, - деп мәлімдеді "Шығыс" өңірлік қолбасшылығының баспасөз қызметі.