ШҚО-да үш мыңнан астам оқушы сабақты қашықтан оқып жатыр

Оған маусымдық жұқпалы аурулардың көбеюі себеп болды, деп хабарлайды Устинка LIVE тілшісі.

Өңірдегі 23 жалпы білім беретін мектептің 169 сыныбындағы 3015 оқушы уақытша қашықтан оқыту форматына ауыстырылды. Олардың ішінде 1697-сі - бастауыш сынып оқушылары, - деп мәлімдеді Шығыс Қазақстан облысының білім басқармасы.

Қашықтан оқыту төмендегі білім беру ұйымдарында ұйымдастырылды:

• Өскемен қаласының 18 мектебінде
• Күршім ауданының 3 мектебінде
• Ұлан ауданының 2 мектебінде

Сыныптағы оқушылардың 30%-дан астамы медициналық анықтамамен дәлелденген себеппен сабаққа қатыспаған жағдайда онлайн форматқа көшіріледі, - деп ексертті басқарма. - Білім беру үдерісі толық көлемде, қашықтан оқыту талаптарына сәйкес жалғасуда.