Өскемен мен ШҚО Жерлесіміз пара үстел теннисінен Қазақстан кубогының жеңімпазы атанды
Талдықорған қаласында пара үстел теннисінен Қазақстан Республикасының кубогы өтті
Фото:
ШҚО әкімінің баспасөз қызметінен
Шығыс Қазақстан облысының спортшысы Ардақ Нұрмағамбетов сайыста тамаша нәтиже көрсетті, деп хабарлайды Устинка LIVE тілшісі.
Жеке кездесулерде ол қарсыластарына дес бермей, Атырау, Жамбыл облыстары және Орал қаласының спортшыларын 3:0 есебімен ұтты. Ал финалда тағы да атыраулық спортшымен кездесіп, 3:1 есебімен жеңіске жетті. Осылайша Ардақ ел Кубогының жеңімпазы атанды. Жұптық жарыста Атырау қаласының спортшысымен бірге өнер көрсетіп, үш ойын өткізіп, Қазақстан Кубогының чемпионы атанды, - деп хабарлады ШҚО әкімінің баспасөз қызметі.
Сондай-ақ аралас жұптық сайыста жерлесіміз Екатерина Федоренкомен бірге сынға түсіп, күміс жүлдеге ие болды.