ШҚО жолдарында жүк көліктерінің қозғалысына шектеу енгізілді

Бұл қыс мезгілінде жол қозғалысы қауіпсіздігін қамтамасыз ету шарасы, деп хабарлайды Устинка LIVE тілшісі.

ШҚО ПД Әкімшілік полиция басқармасы  республикалық маңызы бар "Өскемен – Алтай – Үлкен Нарын – Катон-Қарағай – Рахман қайнары" тасжолының 46–66 шақырымындағы (Осинов асуы) учаскеде 3.7 "Тіркемесі бар көлік құралдарының жүруіне тыйым салынады" деген жол белгілері орнатылды.

Сондай-ақ облыстық маңызы бар келесі жолдарда:

• "Өскемен – Тарғын – Самарское" (62–145 км),
• "Өскемен – Таулы Үлбі – Северное" (18–60 км),
• "Теректі – Урунхайка – Тосқайын" (7–57 км)

Осыған байланысты аталған учаскелерде тіркемелері мен жартылай тіркемелері бар көлік құралдарының, сондай-ақ механикалық көлік құралдарын сүйреу қозғалысына тыйым салынады, - деп ескертті тәртіп сақшылары. - Жүргізушілерге қозғалыс бағытын жоспарлау кезінде енгізілген шектеулерді ескеріп, орнатылған жол белгілерінің талаптарын қатаң сақтауға кеңес беріледі.

Қала сыртындағы тасжолдардың жағдайы мен жүру мүмкіндігі туралы тәулік бойы мына телефондар арқылы ақпарат алуға болады:

• 77-70-81, 77-60-05 - ШҚО ПД Әкімшілік полиция басқармасының кезекші бөлімі;
• 26-28-08, 24-08-98, 8-777-535-89-08 - "ҚАЖ Сервис" ЖШС диспетчері;
• 57-42-52, 8-705-798-05-99 - "ОблШығысЖол" ЖШС диспетчері.