Өскемен мен ШҚО Рая Рахимованың алдағы тағдырын ШҚО Денсаулық сақтау басқармасы жанындағы коммиссия шешеді
Рая Жанғалиқызының Ана мен бала орталығының басшысы лауазымына қайта тағайындау-тағайындармауын облыстық Денсаулық сақтау басқармасының жанындағы арнайы келісу комиссиясы шешеді
Фото:
Открытый источник
Бұл туралы ШҚО қоғамдық кеңесінің денсаулық саласы бойынша өткізген жедел жұмыс тобының отырысында ШҚО Денсаулық сақтау басқармасы басшысының орынбасары Сергей Попов айтты.
Күн тәртібінде қаралған сұрақтардың бірінде биыл облыстық маслихаттың әкімшілігіне «Ана мен бала орталығына» Рая Рахимованың есімін беру ұсынысын жасау болды. Алайда Рая Жанғалиқызының өзі бұл ұсынысқа қарсы пікір білдірді.
- Өскемен қаласы мен облысымыздың тұрғындарына менің алғысым шексіз. Қоғамдық кеңес мүшелеріне де менің еңбегімді бағалап отырғандарыңыз үшін рахмет. Алайда орталыққа менің есімімді бергеннен гөрі бойымда денсаулығым мен күш-қуатым бар кезде өз ісімді жалғастыру мүмкіндік беріңіздерші, - деді Рая Рахимова.
Бұдан бөлек Рая Жанғалиқызына ШҚО қоғамдық кеңесінің денсаулық саласы бойынша жұмыс тобына басшылық жасау ұсынылды. Бұл лауазымнан да ол бас тартты.
- Мен өзімнің бұрынғы лауазымыма қайта орналасуға үміттімін. Олай болмай жатса денсаулық саласын дамыту жолында еңбек етуге дайынмын, - деді ол.
Тақырыптар:
Рая Рахимова
