Өскемен мен ШҚО ШҚО-да "JuniorSkills Shygys 2025" аймақтық чемпионаты өтті
Бұл білім додасы мектеп оқушыларына болашақ мамандықтарын таңдауға көмектеседі
Чемпионатты Жұмысшы мамандықтар жылы аясында Шығыс Қазақстан облысының білім басқармасы өңірдің Құзыреттілік орталықтары мен жетекші колледждерінің базасында өткізді, деп хабарлайды Устинка LIVE тілшісі.
Чемпионаттың мақсаты – 8-11-ші сынып оқушыларының ерте кәсіби бағдарын қалыптастыру, практикалық дағдыларын дамыту және қазіргі еңбек нарығының талаптарын ескере отырып, болашақ мамандықты саналы таңдауға ықпал ету.
Чемпионатқа облыстың қала және аудан мектептерінен келген 100-ден астам оқушы қатысты. Жас қатысушылар IT, техникалық, технологиялық және шығармашылық бағыттарды қамтитын 16 құзыреттілік бойынша өз білімдерін, креативтіліктерін және практикалық дағдыларын көрсетті, - деп мәлімдеді ШҚО білім басқармасы.
Мұндай чемпионаттар оқушыларға өз мүмкіндіктерін байқап көруге, заманауи мамандықтар туралы көбірек білуге және тәжірибелік оқуға деген қызығушылықтарын арттыруға мүмкіндік береді.
