Өскемен мен ШҚО ШҚО-дағы ағайынды Абдуллиндер атындағы өнер училищесінің ашылғанына 70 жыл толды
Халық әртістері ағайынды Абдуллиндер атындағы өнер училищесі - Шығыс Қазақстандағы ең байырғы және беделді оқу орындарының бірі
Қара шаңырақ тәрбиелеген 6 мыңнан астам түлек қазақ өнерінің дамуына сүбелі үлес қосты, деп хабарлайды Устинка LIVE тілшісі.
Осы уақыт ішінде білім ордасы таланттардың ұстаханасына, өңірдің рухани орталығына айналды. Бұл оқу орнынан түлеп ұшқан әртістердің, педагогтар мен өнер майталмандарының есімдері бүгінде Қазақстанда ғана емес, шетелде де кеңінен танымал.
Олардың қатарында: Мадрид опера театрының солисі Аида Тұрғанбаева, композитор Светлана Апасова, Қазақ ұлттық консерваториясының профессоры Зәуре Смақова, театр және кино актері Иван Лубягин және тағы басқалары бар.
Ұстаздардың жоғары кәсібилігі, дәстүрге адалдығы және өнерге деген шынайы сүйіспеншілігі бұл оқу орнын бірегей білім ордасына айналдырып отыр.