Өскемен мен ШҚО ШҚО-да қар жауып, жол көктайғақ бола бастады
Өңірде ауа температурасы төмендеп, қар жауып, жол үстінде көктайғақ байқалуда
Осыған байланысты ШҚО Полиция департаменті облыс тұрғындары мен қонақтарына сақ болды ескертеді, деп хабарлайды Устинка LIVE тілшісі.
Көлік жүргізушілері автокөліктерін күзгі-қысқы маусымға алдын ала дайындау қажет: шиналарының жағдайын, тежеу жүйесін және жарық беру құрылғыларын тексеру. Жаңбыр, қар және көктайғақ кезінде қозғалыс жылдамдығын қатаң сақтау, аяқ асты маневр жасамау және қауіпсіз қашықтықты ұстану маңызды.
Жаяу жүргіншілерге де барынша сақ болу қажет. Жолдан тек арнайы жаяу жүргіншілерге арналған жерлер арқылы өтіп, қозғалыс қауіпсіздігіне көз жеткізу және қараңғы уақытта жарық шағылыстырғыш элементтер тағу ұсынылады, - деп атап өтті полицейлер.
"Қазгидромет" ШҚО филиалының ақпараты бойынша 15 қазанда түнде және таңертең облыстың солтүстігінде, шығысында тұман күтіледі. Жел солтүстік-батыстан соғады, облыстың солтүстігінде, оңтүстігінде екпіні 15-20 м/с.