Өскемен мен ШҚО Өскемендегі әскери қызметкерлер мен сарбаздар қарттарды құттықтады
Өскемен гарнизоны №27943 әскери бөлімінің сарбаздары мен қызметкерлері "Қамқор" әлеуметтік үйіне барды
Фото:
Өскемен гарнизонының баспасөз қызметінен
Жалғызбасты зейнеткерлер мен қарияларды мерекемен құттықтап, концерт ұйымдастырды, деп хабарлайды Устинка LIVE тілшісі.
Жылы жүздесуде әскерилер қарияларға сый-сияпат ұсынып, ән мен күйден шашу шашты. Осылайша қариялардың көңілін сергітіп, қуаныш сыйлады.
Қарттар күні – баршамыз үшін ерекше мереке. Біз үшін үлкендерді құрметтеу, олардың өмірлік тәжірибесі мен ақ батасын алу – үлкен мәртебе. Бүгінгі шара арқылы біз қарияларға қуаныш сыйлап, олардың көңілін көтергіміз келді. Мұндай кездесулер сарбаздардың да рухын нығайтып, аға буынға деген сыйластықты арттырады, - деді әскери бөлім командирінің орынбасары майор Максат Калмырзаев.
Қарттар өз кезегінде әскерилерге ізгі тілектерін білдіріп, жастардың Отанға деген адалдығы мен патриоттық рухына зор сенім артатындарын жеткізді.
Біздің Telegram арнамыздағы ең маңызды нәрселер
Тақырыптар:
Қарттар күні "Қамқор" әлеуметтік үйі Сарбаздар құттықтады