Өскемен мен ШҚО Өскеменде көпір қоршауында отырған бойжеткен үрей туғызды
Ертіс көпірінің қоршауында отырған бойжеткенді өтіп бара жатқан полиция қызметкерлері байқаған
Шын мәнінде тұрғын секіруге ниеттенбеген, тек телефонмен сөйлесіп отыруға көпір қоршауы ыңғайлы болса керек, деп хабарлайды Устинка LIVE тілшісі.
Шығыс Қазақстан облысы Полиция департаментінің арнайы жасақ (ЖҚАЖ) қызметкерлері қызметтік автокөлікпен кезекшілікке бара жатқан жолда Ертіс көпірінің қоршауында отырған қызды байқап, дереу тоқтаған. Қауіпсіздік мақсатында сақтықпен әрекет еткен полицейлердің бірі – полиция капитаны Мәди Майданбеков азаматшаны сенімді қимылмен қауіпсіз жерге түсірген, - деп мәлімдеді ШҚО ПД. - Әңгіме барысында қала тұрғыны ешқандай ниеті болмағанын, тек телефонмен сөйлесіп отырып, әрекетінің айналадағыларға алаңдаушылық тудыруы мүмкін екенін ойламағанын түсіндірген.
Полицейлер бойжеткенмен профилактикалық әңгіме жүргізді.