Өскемен мен ШҚО Шығысқа келген меймандар Жеңіс мемориалына гүл шоқтарын қойды
Бүгін Өскеменде "Altay Invest-2025" халықаралық инвестициялық форумы басталды
Оған еліміздің түкпір-түкпірінен және 5 шет мемлекеттен жүздеген адам келді, деп хабарлайды Устинка LIVE тілшісі.
Форумның алдында ҚР Парламенті Сенаты Төрағасының орынбасары Жақып Асанов, РФ Федералдық Жиналысы Федерация Кеңесі Төрағасының бірінші орынбасары Андрей Яцкин, Шығыс Қазақстан облысының әкімі Нұрымбет Сақтағанов және басқа да қонақтар Жеңіс мемориалына барды. Екінші дүниежүзілік соғыста аянбай шайқасып, өз өмірін өлімге тіккен батырлардың рухына тағзым етіліп, гүл шоқтары қойылды. Одан соң бір минут үнсіздік жарияланды.
Айта кетейік, "Altay Invest-2025" форумына әлемнің бірнеше елінен инвесторлар, дипломаттар және мемлекеттік органдардың өкілдері қатысады. Форум аясында өңірдің даму жолындағы аса маңызды келісімдерге қол қойылып, түрлі жобалар қолға алынады деп күтіліп отыр.
