Өскемен мен ШҚО ШҚО-да 2021 жылдан бері 25 ауылға интернет қосылған
ШҚО-да цифрландыру мен байланыс жобалары бойынша аудит қорытындыланды
Тексеру комиссияның отырысында антенна-мачталық құрылыстарға, "Қолжетімді интернет" ұлттық жобасын іске асыруға және табиғи монополиялар саласындағы цифрландыруға бөлінген қаражатты пайдалану тиімділігіне жүргізілген аудит нәтижелері қаралды, деп хабарлайды Устинка LIVE тілшісі.
Талдау барысында ауылдық елді мекендерді интернетпен қамту жұмыстары кезең-кезеңімен жүзеге асырылып жатқаны атап көрсетілді. Мәселен, 2021–2024 жылдар аралығында "Ауылтелеком" ЖШС мен "Кар-Тел" ЖШС міндеттемелеріне сәйкес көзделген 54 елді мекеннің 25-і интернетке қосылған.
Сонымен қатар, 2023–2024 жылдары 16 ауылды қамтуға арналған 18 антенна-мачталық нысанның үшеуі мобильді байланысқа қосылды. Ал 39 елді мекеннің төртеуі спутниктік арналар арқылы интернетпен қамтылды. Сонымен қатар, 108 ауылдық елді мекенді қамтитын сымды инфрақұрылымды дамыту жұмыстары жүргізілуде.
Тексеру комиссиясы ұлттық жобаны іске асыру және оның мақсаттарына уақытылы қол жеткізу тиімділігін арттыру үшін аудит объектілеріне ұсынымдар беріліп, нұсқамалар шығарылғанын атап өтті. Әкімшілік құқықбұзушылық белгілері бар материалдар уәкілетті органдарға жолданды.