Қазақстан Павлодар облысында көпқабатты үйлерге жылу беріліп қойды
Осы аптада Солтүстік Қазақстан, Қарағанды және Ақмола облыстарына беріледі
Ал басқа өңірлерде температуралық режимге байланысты беріле бастайды, деп хабарлайды Устинка LIVE тілшісі.
Күзгі-қысқы кезеңге дайындық жұмыстары туралы ҚР ЭМ Мемлекеттік энергетикалық қадағалау және бақылау комитетінің төрағасы Ержан Ертаев хабарлады.
Оның айтуынша, биыл электр станцияларында 10 энергоблокты, 63 қазандықты және 39 турбинаны жөндеу жоспарланған. Қазіргі таңда 6 энергоблокта, 29 қазандықта және 16 турбинада жөндеу жұмыстары аяқталды.
Электр желілері бойынша 17 мың шақырым желіні 420 қосалқы станцияны жөндеу жоспарланған. Қазіргі уақытта 16 мың км желі мен 373 қосалқы станцияда жөндеу жұмысы толығымен аяқталды. Барлық жұмыстар бекітілген кестеге сәйкес жүргізіліп жатыр, - деді спикер баспасөз конференциясы барысында.