Өскемен мен ШҚО ШҚО жолдарында 40-тан астам қауіпті учаске бар
Облыс жодарында қауіпсіздікке әсер ететін 120 ақау анықталып, жолдарды күтіп ұстауға жауапты ұйымдардың басшылары жауапқа тартылған
Шығыс Қазақстанда полиция қызметкерлері автомобиль жолдарын күзгі тексеруден өткізуді жалғастыруда, деп хабарлайды Устинка LIVE тілшісі.
ШҚО ПД Әкімшілік полиция басқармасы "ҚазАвтоЖол" ұлттық компаниясы мен "Жол активтерінің сапасы орталығы" өкілдерімен бірлесіп, өңірдегі жолдардың жағдайына жоспарлы күзгі тексеру жүргізуде.
Жол белгілері мен жол таңбаларының жарық қайтарғыш қасиеті, қоршаулардағы жарық шағылыстырғыш катафоттардың болуы және жарамдылығы, сондай-ақ қолданыстағы заңнамаға сәйкес жол қозғалысын реттеу техникалық құралдарының дұрыс орнатылуы тексерілуде, - деп мәлімдеді ШҚО ПД баспасөз қызметі. - Бүгінгі күнге дейін жол белгілерінің көрінуіне және жол жамылғысының сапасына әсер ететін 120-дан астам ақау анықталды. Сонымен қатар, жол иелеріне 80-ге жуық нұсқама беріліп, жол ұйымдарының 8 басшысы жауапкершілікке тартылды.
Полицейлер 40-тан астам апаттық-қауіпті учаскені жою бойынша ұсыныстар дайындаған.