Өскемен мен ШҚО Өскемен тұрғыны үйінде қарасора есірткісін өсірген
Ол үшін жарықтандыру және желдету жүйесі бар "гроубокс" орнатқан
Күдікті есірткі тұқымын интернет арқылы сатып алып, өзі үшін өсіргенін айтқан, деп хабарлайды Устинка LIVE тілшісі.
Облыс прокуратурасының үйлестіруімен полицейлер "Қарасора" жедел профилактикалық шарасы барысында үй жағдайында есірткі құрамдас өсімдіктерді заңсыз өсіру фактісін анықтады.
Тінту барысында 58 жастағы өскемендік азаматтың үйінен жарықтандыру мен желдету жүйесі орнатылған "гроубокс", сондай-ақ ерекше исі бар жасыл түсті өсімдіктері бар ыдыстар табылды. Сараптама олардың құрамында психоактивті компонент – дельта-9-тетрагидроканнабинолы бар қарасора екенін анықтады. Тәркіленген заттың жалпы салмағы 570,55 граммды құрады, - деп мәлімдеді ШҚО ПД баспасөз қызметі. - Күдікті тұқымды интернет арқылы сатып алып, жеке мақсатта тұтыну үшін өсіргенін түсіндірді.
Аталған факті бойынша "Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру" бабымен сотқа дейінгі тергеу басталды.