Өскемен мен ШҚО Өскемендегі барлық көпірлерге техникалық тексеріс жүргізіледі
Осыдан он шақты күн бұрын кіші айналма жолдағы Шнайдер көпірі ортасынан бөлініп кеткен
Осыдан кейін жергілікті билік қаладағы барлық көпірлерге техникалық тексеріс жүргізбек, деп хабарлайды Устинка LIVE тілшісі.
Шнайдер көпірінің қала логистикасындағы өзіндік орны бар. Сондықтан арнайы мамандар шақыртылып, зерттеу жүргізеді. Бұқтырма көпірін салған, қазір Павлодар көпірін салып жатқан ең мықты алматылық компанияны шақырттық. Компания сараптамасынан кейін көпірді қайта салу не қалпына келтіру қажеттігі белгілі болады, - дейді Өскемен қаласының әкімі Алмат Ақышов. - Бұл 85 жыл бұрын уақытша көпір ретінде салынған екен. Астындағы тіреулері ағаштан жасалған. Үлбі өзені көктем-күзде таситыны мәлім. Осы жолы жауын салдарынан су 6,3 см-ге дейін көтеріліп, бағандарға күш түскен. Соның кесірінен бір баған құлап, көпір сынып кетті. Әрине осы оқиғадан кейін қаладағы барлық көпірлерді тексеру жоспарланған. Қазір арнайы комиссия құрылды.
Көпір арқылы су және жылу құбыры, жарықтандыру сымдары өтіп тұрған. Жылу желісі ШҚО ПД ғимаратының бір бөлімшесін, ал су құбыры Бабкин диірмені ауданын сумен қамтамасыз етіп отырған. Қазір полиция ғимараты қыста жылусыз қалмауы үшін оны өзеннің сол жақ жағалауындағы жылу трассасына қосу жоспарланған. Су құбыры мәселесі де шешімін тапқан.
Жалпы бұл көпір салынғалы бірнеше рет (70-ші жылдары, 2001, 2023, 2025 жылы) осындай оқыс жағдайлар орын алған көрінеді.